Әнім жаным

Әнім жаным


Еркімді еншілеп ертегі сезім
Жүректі тербейсің еркем бір өзің.
Жайдарлы жүзіңе жарасып тұр-ау
Сымбатың, қылығың, көркем мінезің.

Қ-сы:
Таусылмас теңеуім,
Өмірлік өренім,
Тұңғиық тереңім,
Әнім-жаным, бағым сен едің
Әнім-жаным, бағым сен едің.

Ән жаздым ұйқымның мың таңын ұрлап,
Жүр қазір сол әнді жұрт әлі тыңдап.
Сен үшін сезімнің іңкәрі жұмбақ,

Мен үшін шашыңның бір талы қымбат.
Үмітпен нұрланар таңдарым алда,
Алдағы арманның алдары бар ма?
Өзіңдей бақ құсым қондырса қолға
Біздердей серінің арманы бар ма?