Гүлдей Гүлдейсің

ГҮЛДЕЙ ГҮЛДЕЙСІҢ<


Күндей нұрын күлімдеген
Гүлдей сұлу түріңменен
Сенін отты жанарың ғой
Түн тылсымын тілімдеген
Арайлы асыл алтыным
Жаны жайсаң жарқыным
Жүрегіме қондырдым
Жанарыңның жарқылын

Қ-сы:
Гүлдей, гүлдей, жаным, гүлдейсің,
Жүрегіме жақын жүргейсің
Сенсіз маған өмір жоқтығын,
Беу, қалқам, білгейсің.

Ақылың сай көркіңменен
Ешқандай мін келтірмеген
Екеуміз бір жүрген кезде
Сыр қалмаушы еді шертілмеген
Арайлы асыл алтыным
Жаны жайсаң жарқыным
Жүрегіме қондырдым
Жанарыңның жарқылын

Көркем сұлу келбетіңде
Сендей жан жоқ жер бетінде
Бізге қарап тамсанушы еді
Қос аққу да көл бетінде
Арайлы асыл алтыным
Жаны жайсаң жарқыным
Жүрегіме қондырдым
Жанарыңның жарқылын