Өзің біл

ӨЗІҢ БІЛ


Кеудемде бір қиял кезіп жүр
Көрінбей кеткен елес
Бар болсаң қайтадан сезіндір
Өткенім өкпелемес
Еркелеп жүретін кезің бір
Есімнен кеткен емес
Орала алмасаң өзің біл
Күзден соң көктем емес
Өзің біл, өшпейтін сезім бол

Қ-сы:
Кінәлай береді бекер бізді
Үмітім ақ таңын атырады
Әлі де кеш емес кеш емес екеуімізді
Бақыттың бақыттың аралы шақырады бізді

Жүрегім онсызда сезіп жүр
Жоқ десем сенген емес
Шырағы сөнбеген сезім бұл
Бір маза берген емес
Өкіне білгенде өзім бұл
Ешкімнен көрген емес
Көзімнің ішінде көзім жүр
Көрмеуге көнген емес
Өзім бұл риясыз сөзім бұл