Ата анаңды сыйла

АТА АНАҢДЫ СЫЙЛА


Сұрауы судың да бар, тастың да бар,
Дүние - қуғандарға қашқын болар.
Барында ата-анаңды сыйламасаң,
Жігіттер дүниеңнің астында қал.

Жігіттер жеңің қайсы, жағаң қайсы,
Несіне қу тірлікке алаңдайсың.
Жалғанда жар табылар бала бітер,
Жоғалтсаң ата-анаңды таба алмайсың.

Қ-сы:
Қу тірлік арманыңды отамасын,
Болашақ намыссыз деп атамасын.
Жігіттер ата-анаңның хабарын біл,
Біреулер іздеп жүр ғой ата-анасын.

Жігіттер теңге басты, теңге басты,
Тұрғанда теңге жұтпай емде басты.
Сыйлап қал ата-анаңды қуат барда,
Ішерсің бір күндері берген асты.

Жігіттер, дүние деген қызыл түлкі,
Соңынан ілескенде етер күлкі.
Разыға ата-анасы, Алла разы.
Алланың таусылмайды берер мүлкі.

Жігіттер жорға мінген, жорға мінген,
Күн келер сол жорғаға зорға мінген.
Сыйла да ата-анаңды жәннәтқа кір
Дүниені пайғамбардай барма білген.