Кешірдім

КЕШІРДІМ


Естелік күндер
Ескеріп кімдер
Еске алар енді оларды
Маңдайға сыймай
Шалғайға қимай
Қоштасып бізбен жоғалды
Тұншығып тынып
Шын сүйіп тұрып
Санамнан сені өшірдім
Арман әнімді
Алдағаныңды
Кешірдім, жаным, кешірдім.

Тағатсыз талған
Жауапсыз қалған
Қаншама сұрақ кеудемде
Сан апаттардан
Жарақаттанған
Жазықсыз жүрек шерменде
Көркем үніңді
Еркелігіңді
Көңілден енді көшірдім
Қиған антыңды
Қиянатыңды
Кешірдім, жаным, кешірдім.

Өзіңе лайық бар сыңар
Есіңде қалмас есімім
Құшағым саған тар шығар
Сағыныш емі тек кешірім
Қалмасаң қалма
Самғасаң самға
Тағайын текке несін мін
Мендегі мұңды
Пенделігіңді
Кешірдім, жаным, кешірдім