Ұмытпа мені

ҰМЫТПА МЕНІ


Біз екеуміз қоштасамыз ба?
Сағынышпен достасамыз ба ?
Бола алмадық Төлеген – Жібек,
Тарих бізді қоспас аңызға.

Тез басылып, суынғаның ба?
Шын сезімді ұғынбадың ба?
Бар жазығым кеш көргенім бе?
Әлде ерте туылғаным ба ?


Қ-сы:
Сендей мені кім ұққан еді,
Сөзің жанды жылытқан еді.
Сен ұмытсаң өзімді ұмытам,
Ұмытпа мені, ұмытпа мені.

Сен ұмытсаң ұмыттым мен де,
Сыр айтармын күліп гүлдерге.
Күндіз күліп іздерсің сен де,
Ұмыта алмай, тымық түндерде.

Жан толқытар сезім бар еді,
Жан балқытар сөзің бал еді.
Сені емес, сағындым, еркем.
Көзіңдегі өзімді әдемі.