Ұмыттың ба

ҰМЫТТЫҢ БА?


Арманыма неге қостым
Саған дұшпан, саған доспын
Гүлдерiммен қызыл-қызыл
Жолдарыңда неге тостым
Мына жүрек тiл алмайды
Сенi есiнен шығармайды
Қайда десем мекенiңдi
Аң да, құс та бiле алмайды

Қ-сы:
Ұмыттың ба?
Ұмыттың ба сен менi
Өмiр бәрiн
Уақыт бәрiн емдедi
Үмiт жүгiн артып келем
Оралсаңшы қорқып келем
Сенi өзгеден артық көрем
Бiлмеймiн
Арамызға жылдар салып
Жолсыздарға жолдар салып
Мен өзiңдi бұл күндерi iздеп келем

Бiр қарашы толған айға
Саған бiр ой сыйламай ма
Бiр күндерi көктем келiп
Жүрегiңдi қинамай ма
Аңдап баспай абайламай
Жан-дүниемнiң тоналғаны ай
Ендi ұмыта бергенiмде
Құстардың да оралғаны ай